काँग्रेसबाट निर्वाचित् वडा अध्यक्षविरुद्ध जाहेरी : नाबालिग बलात्कार आरोप

कलैया – बाराको निजगढ नगरपालिका वडा नम्बर २ का वडा अध्यक्ष राजु श्रेष्ठ (राजन) विरुद्ध प्रहरीमा जाहेरी परेको छ ।

गत स्थानिय चुनावमा नेपाली काँग्रेसबाट निर्वाचित् वडाध्यक्ष राजनले एक नाबालिगलाई जबर्जस्ती करणी गरेको भन्दै प्रहरीमा जाहेरी दर्ता गराएको हो । पीडितले वडाध्यक्ष श्रेष्ठविरुद्ध मंगलबार ईलाका प्रहरी कार्यलय निजगढमा जाहेरी दर्ता गराएको प्रहरीले जनाएको छ ।

वडाध्यक्ष श्रेष्ठले १५ वर्षकी नाबालिगलाई जबर्जस्ती करणी गरेको जाहेरीमा उल्लेख छ । दशैंको टिकाका दिन असोज १९ गते वडाध्यक्ष श्रेष्ठले आफ्नै घरमा आफूमाथि जबर्जस्ती करणी गरेको जाहेरी किशोरीले दिएकी हुन् । अध्यक्ष श्रेष्ठविरुद्ध उजुरी परेको प्रहरी स्रोतले पुष्टि ग-यो । ‘अध्यक्ष श्रेष्ठविरुद्ध जबर्जस्ती करणीको आरोपमा पीडितका तर्फबाट उजुरी आएको छ, उजुरीमाथि प्रहरीले अनुसन्धान अघि बढाइसकेको र यस विषयमा अहिले बाहिर केही उल्लेख गर्न मिल्दैन,’ प्रहरी स्रोतले भन्यो ।