लेदोसहितको पहिरो खसेपछी मुग्लिन – नारायणगढ सडक अवरुद्ध

चितवन – भरतपुर महानगरपालिका – २९ सत्र किलोमा लेदोसहितको पहिरो खसेपछी मुग्लिन – नारायणगढ सडक खण्ड अवरुद्ध भएको छ ।

जिल्ला प्रहरी कार्यालय चितवनका प्रवक्ता तथा प्रहरी नायब उपरीक्षक विजयराज पण्डितका अनुसार आज बिहान ८ः२० बजे लेदोसहितको पहिरो खसी सडक दुईतर्फी सडक अवरुद्ध भएको हो ।

सडक अवरुद्ध भएसँगै नारायणगढ – मुग्लिन सडक भएर चल्ने सवारी साधन र यात्रु बाटोमा अलपत्र परेका छन् । सडकमा खसेको पहिरो पन्छाउन सडक विभागसँग समन्वय भइरहेको कार्यालयले जनाएको छ ।