धादिङ – १४ जना सरकारी स्थायी चिकित्सकको दरबन्दी रहेको धादिङ सदरमुकामस्थीत् धादिङ अस्पतालमा स्थायी चिकित्सक बीनानै चलिरहेको छ ।
स्थायी दरबन्दीअनुसार विशेष चिकित्सक ९ जना, मेडिकल अधिकृत ४ जना, डेन्टल सर्जन १ जना हुनुपर्ने व्यबस्था भएपनि लामो समयदेखी अस्पतालमा एकजना पनि स्थायी चिकित्सक नै छैनन्। पदपूर्ति भएको एकजना आठौँ तहका मेडिकल अधिकृत डाक्टर सफलतादेवी कोजु पनि करिब दुई वर्षदेखि अध्ययन बिदामा छिन्। स्थायी चिकित्सकबिना नै अस्पताल चलिरहेको धादिङ अस्पतालका सूचना अधिकारी बिक्रम विकले बताए।
ठूलो संख्यामा रिक्त रहेको स्थायी चिकित्सक दरबन्दी सुरुदेखि नै खाली छ। कहिलेकाहीँ आक्कल झुक्कल १/२ जना चिकित्सकलाई पदपूर्ति गरिन्छ। सूचना अधिकारी विकले भने, ‘स्थायी चिकित्सकको कोटा सुरुदेखि नै खाली छ, १४ वटा सरकारी कोटामा एकजना पनि चिकित्सक छैनन्, भन्न पनि लाजै मर्दौ छ तर हामीले सेवा चाहिँ रोकेका छैनौँ।’
त्यस्तै , करार तथा अन्य स्राेतबाट व्यवस्थापन गरी अस्पताल चलेको पनि विकले बताए।
नयाँबानेश्वर काठमाण्डौ, नेपाल
subhayugnews@gmail.com
01-5705310
सुचना तथा प्रशारण बिभाग दर्ता नं. : - २८३२ - ०७८/७९
Editor-in-Chief :
Bibek Aryal 9841065149
Desk Editor : Haribahadur Baniya
: Bikash Rauniyar