महाअभियोग प्रकरण : निलम्बित प्रधानन्यायाधीश जबरासँग आजदेखी बयान

काठमाडौं – प्रधानन्यायाधीश चोलेन्द्रशमशेर जबरासँग महाअभियोग सिफारिस समितिले आज बयान लिने भएको छ।

समितिको आज बिहान ११ बजे बस्ने बैठकले निलम्बित जबरासँग बयान लिन लागेको हो। जबराविरुद्ध संघीय संसद् सचिवालयमा महाअभियोग प्रस्ताव दर्ता भएपछि उनको पद निलम्बनमा परेको छ। फागुन १ मा सत्तारुढ दलले महाअभियोग लगाएपछि २३ फागुनमा प्रतिनिधिसभाले महाअभियोग सिफारिस समिति गठन गरेको थियो।

यता सर्वोच्च अदालत बार एसोसिएसनले निलम्बित प्रधानन्यायाधीश जबराविरुद्धको महाअभियोग प्रस्तावबारे संसदीय सिफारिस समितिलाई यसअघि नै प्रमाण उपलब्ध गराइसकेको छ।