धादिङको गल्छीमा सवारी दुर्घटना : एकको मृत्यु एक घाईते

धादिङ – पृथ्वी राजमार्ग अन्तर्गत धादिङको गल्छी गाउँपालिका वडा नं – ७ बुद्ध पार्क नजिकै स्कुटर र हाईस दुर्घटना भएको छ ।

मंगलवार साँझ काठमाडौं जाँदै गरेको ग १ ख ३४३६ नम्बरको हाईसले प्रदेश ३ – ०२ – ०११ प ५३२७ नम्बरको स्कुटरलाई ठक्कर दिँदा स्कुटरमा सवार गल्छी – ६ का अन्दाजी १९ वर्षिय सबिन रिजालको मृत्यु भएको हो भने गल्छी – ७ का अमृत तामाङ घाईते भएका छन्।

घाईते तामाङको अम्बी भरोषा अस्पतालमा सामान्य उपचार पछि थप उपचारका लागि काठमाडौं पठाइएको प्रहरीले जनाएको छ।