एमाले छाडी काँग्रेस प्रवेश गरेका केसी चलचित्र विकास बोर्डको अध्यक्षमा नियुक्त

काठमाडौं – सरकारले चलचित्र विकास बोर्डको अध्यक्षमा अभिनेता भुवन केसीलाई नियुक्त गरेको छ।

सोमबार साँझ बसेको मन्त्रिपरिषद् बैठकले अभिनेता केसीलाई चलचित्र विकास बोर्डको अध्यक्षमा नियुक्त गरेको हो । मन्त्रिपरिषद् बैठकले केसीलाई नियुक्त गरेको सञ्चार तथा सूचना प्रविधिमन्त्री ज्ञानेन्द्रबहादुर कार्कीले जानकारी दिए ।

अभिनेता केसीसंगै अभिनेत्री श्वेता खड्का, कलाकार संघका अध्यक्ष रवीन्द्र खड्का पनि काँग्रेस प्रवेश गरेका थिए । अभिनेता केसी यसअघि एमालेमा संलग्न रहेपनि पछिल्लो समय एमाले अध्यक्ष केपी ओलीले राजनितीमा बेईमानी गरेको भन्दै एमालेको राजनितीमा निष्क्रिय जस्तै थिए ।

उता गत स्थानीय निर्वाचनको मुखमा उनलाई स्वागत नेपाल नेतृत्वको पार्टीले काठमाडौं महानगरपालिकाको मेयरका रुपमा अघि सारेपनि पछि अस्वीकार गरेका थिए ।