गाउँपालिकाका कर्मचारी घुससहित पक्राउ

कैलाली – मोहन्याल गाउँपालिकाका छैटौँ तहका अधिकृत दीपेन्द्र बुढा क्षेत्री  घुससहित पक्राउ परेका छन् ।

अख्तियार दुरुपयोग अनुसन्धान आयोग महेन्द्रनगरबाट खटिएको टोलीले क्षेत्रीलाई रु ३० हजार घुस लिँदै गर्दा पक्राउ गरेको हो । अख्तियारको प्रारम्भिक जानकारीअनुसार घुससहित पक्राउ परेका बुढाले घोडाघोडी नगरपालिकास्थित होटेल नवरत्नबाट बीउबिजन सामग्रीको रकम भुक्तानीबाट गैरकानूनी कमिशन लिइरहेका थिए ।

अख्तियारले उक्त विषयमा गहन अनुसन्धान पनि अघि बढाएको छ ।