एमाले नेता कृपासुर शेर्पा सवार कार दुर्घटना : तीनजनाको अवस्था गम्भीर

सिन्धुली – पूर्वमन्त्री समेत रहेका नेकपा एमालेका नेता कृपासुर शेर्पा सवार कार सिन्धुलीमा दुर्घटनामा परेको छ ।

शुक्रबार, आदिवासी जनजाति महासंघ प्रदेश १ को विस्तारित बैठकमा जाँदै गर्दा कमलामाई नगरपालिका  – १४, चन्दनपुरमा शेर्पा सवार निजी कार दुर्घटनामा परेको हो । शेर्पा सवार बा २ च ९००३ कारमा आदिवासी जनजाति महासंघका महासचिव पेम्बा गुरुङ, केन्द्रीय उपमहासचिव देवराज राई, ५० वर्षीय गणेश थापा लगायत सवार थिए । तीनजनाको अवस्था गम्भीर छ ।

पूर्वमन्त्री शेर्पाको चाहिँ बाहिरी चोट देखिएको छैन । चारैजनालाई थप उपचारका लागि हेलिकोप्टरमार्फत काठमाडौं पठाइएको प्रहरीले जनाएको छ । उनीहरुको थप उपचार ट्रमा सेन्टरमा हुने जनाईएको छ ।