जबरजस्ती करणी अभियोगमा धादिङका नेपाली पक्राउ

काठमाडौं – महिलामाथी जबरजस्ती करणी गरेको अभियोगमा धादिङ निलकण्ठ नगरपालिका १४ घर भएका टिकाराम नेपाली पक्राउ परेका छन् ।

आइतबार साँझ २६ वर्षीया एक महिलालाई जबरजस्ती करणी गरेको अभियोगमा धादिङ घर भई हाल काठमाडौं सामाखुसी बस्ने ३२ वर्षीय नेपालीलाई पक्राउ गरिएको प्रहरीले जनाएको हो ।

प्रहरीका अनुसार काठमाडौं महानगरपालिका २६ ठमेलस्थित होटलमा नेपालीले ती महिलालाई जबरजस्ती करणी गरेको खबर प्राप्त भएको र खवर प्राप्त हुनासाथ प्रहरी वृत्त लैनचौरबाट खटिएको प्रहरी टोलिले उनलाई पक्राउ गरेको हो । अहिले उनीमाथी अनुसन्धान जारी छ ।

अभियुक्त नेपाली नेकपा एकिकृत समाजवादी पार्टी निकट युवा संघ नेपालका केन्द्रिय सदस्यसमेत हुन् ।