भेरी अस्पतालमा वेथिती : चिकित्सकसहित उच्च तहका कर्मचारीको अग्रिम हाजीर भेटियो

नेपालगञ्ज – बाँकेस्थित भेरी अस्पतालमा चिकित्सकसहितका उच्च पदस्थ कर्मचारीहरुले व्यापक वेथिती गर्दै आएको पाईएको छ ।

बिहिबार, जिल्ला प्रशासन कार्यालय बाँकेले अस्पतालमा छड्के जाँच गर्दा अस्पतालका अर्कचारीहरुले व्यापक वेथिती गर्ने गरेको पाईएको हो । जिल्ला प्रशासनद्धारा गरिएको अनुगमनमा दुई जना चिकित्सक सहित चार जना स्टाफ नर्स र एक जना कार्यालय सहयोगीले अस्पतालमा अग्रीम हाजिरी गरेको पाइएको बताईएको छ ।

प्रमुख जिल्ला अधिकारी सूर्यबहादुर खत्रीले अस्पतालका डा. सुरेशकुमार नाग, डाक्टर निर्मल शाक्यसहित सात जनाले अग्रिम हाजिरी गरेको पाइएको बताए । त्यस्तै डा. शाक्यको हाजिरीको माथि टेप टाँसिएको छ। डा. नागले २० गते अस्पतालमा पुगेर असार २९ गतेसम्मको हाजिरी गरेर गएको भेटिएको घटना यसअघि नै बाहिरी सकेको थियो ।

उनले अग्रिम हाजिरी गरेको पाइएपछि अस्पताल समितिले जिल्ला प्रशासन कार्यालय, बाँकेमा कारबाहीका लागि लेखि पठाएको छ। त्यसको बोधार्थ स्वास्थ्य तथा जनसंख्या मन्त्रालयमा पठाइएको छ। घटना बाहिरीएपछि प्रशासनले अस्पतालमा गरेको आकस्मिक निरीक्षणमा २ सय ९० जना कर्मचारी समेत छड्केमा परेका छन् । त्यस्तै ३७८ जना कर्मचारी रहेको भेरीमा २ सय ९० जना छड्केमा परेका हुन्।

प्रमुख जिल्ला अधिकारी खत्रीले भेरी अस्पतालमामा केहीले अग्रिम हाजिर गर्नेदेखि हाजिरी नै नगरेको पाइएको बताए । ‘कर्मचारीले मन लागेको बेला हाजिरी गर्ने गरेको देखिन्छ’ उनले भने, ‘केहीले या अग्रिम र केहीले हाजिरी नै गरेका छैनन् ।’ जिल्ला प्रशासन कार्यालयले अग्रिम हाजिरीका विषयमा अस्पताल प्रशासनलाई स्पष्टीकरण सोध्ने जनाएको छ।

प्रमुख जिल्ला अधिकारी खत्रीले अस्पताल प्रशासन कमजोर रहेको बताउँदै छड्केमा परेकाहरुलाई विभागीय कारवाहीका लागि मन्त्रालयमा लेखेर पठाइने समेत जानकारी दिए ।