बलात्कारको आरोपमा शिक्षक पक्राउ

बझाङ – बझाङमा युवती बलात्कार गरेको आरोपमा एक जना शिक्षक पक्राउ परेका छन् ।

पक्राउ पर्नेमा बझाङकोे केदारस्यु गाउपालिकामा रहेको सुर्मा माध्यमिक विद्यालयका शिक्षक रमेश गुर्धामी रहेको जिल्ला प्रहरी कार्यालय बझाङले जनाएको छ । जिल्ला प्रहरी कार्यालय बभाङका सुचना अधिकारी रमेशदत्त अवस्थीका अनुसार गुर्धामीले १८ वर्षीया युवतीलाई असार ८ गते राति सुतिरहेकी अवस्थामा बलात्कार गरेको र सो कुरा घरमा भनेपछि १० गते जाहेरी परेको बताए ।

घटनापछि फरार रहेका गुर्धामीलाई लुकेर बसेको अवस्थामा पक्राउ गरिएको र अदालतबाट म्याद थप गरी अनुसन्धान थालिएकोे बताए ।