सुनको मूल्य : २०० रुपैयाँले बढ्यो, यस्तो छ आजको कारोवार

काठमाण्डौ – नेपाली बजारमा आज सुनको मूल्य प्रतितोला २०० रुपैयाँले बढेको छ ।

नेपाल सुनचाँदी व्यवसायी महासंघका अनुसार आज सुनको मूल्य प्रतितोला २०० रुपैयाँले बढेको हो । महासंघले आजको मूल्य तोक्दै सुनको भाउ उकालो लागेको जानकारी दिएको छ । जसअनुसार, आज छापावाल सुनको मूल्य प्रतितोला ९७ हजार ७०० रुपैयाँ कायम छ ।

यस्तै, आज तेजाबी सुनको मूल्य प्रतितोला ९७ हजार २०० रुपैयाँ कायम भएको महासंघले जानकारी दिएको छ । हिजो आइतबार छापावाल सुनको मूल्य तोलामा ९७ हजार ५०० रुपैयाँ र तेजाबी सुनको मूल्य प्रतितोला ९७ हजार रुपैयाँ थियो ।

यसैगरी, आज चाँदीको मूल्य स्थिर बनेको छ । महासंघका अनुसार आज चाँदीको मूल्य प्रतितोला १२ सय ६५ रुपैयाँ छ । जुन, हिजो आइतबार पनि सोही मूल्यमा कारोबार भएको थियो । असार महिना लागेसँगै सुनको मूल्य प्रतितोला ९७ हजार आसपास घुमिरहेको छ ।

महासंघले दैनिक कारोबार मूल्य तोक्दै असार १ गते ९६ हजार ५०० रुपैयाँ रहेको जनाएको छ । त्यसयताका दिनमा ९७ हजारकै आसपास सुनको मूल्य अड्किएको छ ।