बसबाट खसेर सहचालक बेपत्ता

कुरिनटार – नारायणगढ – मुग्लिन सडकखण्डमा गुडिरहेको बसबाट खसेर सहचालक बेपत्ता भएका छन् ।

आईतबार बिहान काठमाडौँबाट धनगढीतर्फ जान आउँदै गरेको ना ६ ख ७४६३ नं. को बसबाट खसेर ३५ वर्षीय तेजबहादुर बोहोरा बेपत्ता भएका हुन् ।
जिल्ला प्रहरी कार्यालय चितवनका अनुसार इच्छाकामना गाउँपालिका – ५ स्थित खहरेखोलामा बसका सहचालक आज बिहान चिप्लिएर खसेका थिए । बसबाट झरेर चाउचाउ किन्न गएका बोहोराको एउटा चप्पल फेला परेको प्रहरीले जनाएको छ ।

अहिले बोहोराको खोजीका लागि सशस्त्र प्रहरीको विपद् व्यवस्थापन तालिम शिक्षालय कुरिनटारको टोली परिचालन गरिएको छ ।