भेरी नदीमा जिप खस्यो : चालक र सहचालकको मृत्यु

रुकुमपश्चिम – रुकुमपश्चिम आठबिसकोट नगरपालिका – ११ चिसापनी नजिकै भेरी नदीमा जिप खसेको छ ।

शनिवार साँझ, राडीबाट रिम्नातर्फ जाँदै गरेको ग १ ज १८९७ नंको जिप दुर्घटना हुँदा चालक र सहचालकको घटनास्थलमै मृत्यु भएको हो । इलाका प्रहरी कार्यालय आठबिसकोटका अनुसार शनिबार साँझ भएको सो दुर्घटनामा  मृत्यु हुनेमा चालक बाँफिकोट गाउँपालिका – ८ दुलिका कविराम विक र सहचालक मुसिकोट नगरपालिका – ११ का कमल खड्का रहेका छन्।

जिपमा चालक र सहचालक  मात्र रहेको जनाइएको छ। प्रहरीका अनुसार जिप अनियन्त्रित भइ भेरी नदीमा खसेको हो।