२०८१ मंसिर १०, सोमबार

धादिङका किसानले २ ट्रक मल यसरी कव्जा गरे

शुभयुग संवाददाताप्रकाशित मिति: २०७९ अषाढ ४, शनिबार (२ साल अघि)

५२१ पाठक संख्या

धादिङ – नेपालको मुख्य बाली धान खेती गर्ने समयमा रासायनिक मलको चरम अभाव भएका बेला धादिङका किसानले २ ट्रक रासायनिक मल कव्जा गरेका छन् ।

शनिवार धादिङको धार्के बजारमा रासायनिक मल बोकेको २ वठा ट्रक नियन्त्रणमा लिएर रासायनिक मल कव्जा गरेका हुन् । सो मल भारतबाट भन्सार छली ल्याइएको बुझिएको छ । सशस्त्र प्रहरीले मल कव्जा गर्न रोक्न खोजेपनि उनीहरुको केही सीप लागेन ।

भन्सार छलेको भन्दै राजश्व विभागले नियन्त्रणमा लिएको अवस्थामा किसानले कब्जा गरेर मल घरतिर लगेका हुन् । उनीहरुले झन्डै ५ सय हाराहारी मल घरतिर लगेका छन् ।

भन्सार छलेर ल्याएको मल व्यापारीहरुले महंगो बेच्ने गरेको उजुरीपछि राजश्व विभागले छापा मारेको जनाइएको छ ।