काठको फर्माले हानेर साहुको हत्या

भक्तपुर – मध्यपुरथिमि नगरपालिका – ८ बोडेमा स्थानीय कल्याण साहुको हत्या भएको छ।

बोडेको लर्डबुद्ध स्कुल अगाडि निर्माणाधीन टहरामा ५१ वर्षीय साहुको काठको फर्माले हानेर हत्या गरेको अवस्थामा शव फेला परेको हो ।

बोडेको लर्डबुद्ध स्कुल अगाडि निर्माणाधीन टहरामा हत्या गरेको अवस्थामा साहुको शव भेटिएको महानगरीय प्रहरी परिसर भक्तपुरका प्रहरी नायब उपरीक्षक राजु पाण्डेले जानकारी दिए। हत्यामा संलग्न रहेको आशङ्कामा प्रहरीले चारजनालाई पक्राउ गरेको बताएको छ। प्रहरीले घटनास्थलबाट रगत लतपत्तिएको फर्मा पनि बरामद गरेको छ।

घटनाबारे अनुसन्धान गरिरहेको पाण्डेले बताए। प्रहरीले साहुको शव परीक्षणका लागि शिक्षण अस्पताल दुवाकोट पठाएको छ।