गाउँपालिका अध्यक्ष र उपाध्यक्ष सवार स्कार्पिओ दुर्घटना

साँफेबगर – अछामको ढकारी गाउँपालिका अध्यक्ष र उपाध्यक्ष सवार स्कार्पिओ दुर्घटनामा परेको छ।

शनिबार बिहान ५ बजे गाउँपालिकाको बा २ झ ३७६५ नम्बरको गाडी धनगढीबाट अछाम आउँदै गर्दा साँफेबगरमा स्कार्पिओ पल्टिएको प्रहरीले जनाएको छ। दुर्घटनामा गाडी चालक र उपाध्यक्ष नेत्रकला देवी शाही सामान्य घाइते भएका छन्। उनीहरूलाई उपचारका लागि बयालपाटा अस्पताल लगिएको प्रहरीले जनाएको छ।

जिल्ला प्रहरी कार्यालय अछामका प्रवक्ता प्रहरी निरीक्षक कैलाश सिंह विष्टका अनुसार गाउँपालिका अध्यक्ष प्रकाश साउँदलाई भने कुनै चोट लागेको छैन।