बसको ठक्करबाट सहचालकको मृत्यु

धादिङ – पृथ्वी राजमार्गको मौवाखोलामा बसको ठक्करबाट सहचालकको मृत्यु भएको छ ।

आज (शुक्रबार) बिहान ४ बजे इच्छाकामना गाउँपालिकाको मौवाखोलामा काठमाण्डौबाट भारतको सिलगीतर्फ जाँदै गरेको बा ५ ख ७८४३ नम्बरको नेपाल भारतमैत्री बसले ठक्कर दिँदा सोहि बसका सहचालक सुनसरी झुम्काका २३ वर्षीय जनक दाहालको मृत्यु भएको हो ।

जिल्ला प्रहरी कार्यालय चितवनका अनुसार दाहालको घटनास्थलमै मृत्यु भएको थियो । शव परीक्षणका लागि भरतपुर अस्पताल पठाईएको छ भने बस र बसका चालक इलाका प्रहरी कार्यालय मुग्लिनको नियन्त्रणमा छ ।