पृथ्वी राजमार्गको सडक नै भासियो : यातायात अवरुद्ध

आँबुखैरेनी – पृथ्वी राजमार्गअन्तर्गत तनहुँमा सडक भासियपछी सवारी आवागमन अवरुद्ध भएको छ ।

गए रातिदेखि परेको अविरल वर्षाका कारण आँबुखैरेनी गाउँपालिका – ४ साँखरस्थित ड्याम नजिक सडक भासिँदा दुईतर्फी सवारी आवागमन अवरुद्ध भएको तनहुँका प्रहरीले जनाएको छ ।

तनहुँका प्रहरी नायब उपरीक्षक डिएसपी युवराज खड्काका अनुसार गए रातिदेखि परेको अविरल वर्षाका कारण करिव २० मिटर सडकको भाग भासिएको हो । सडकको भाग तलबाट भासिएकाले बेलिब्रिज नराखेसम्म सवारी आवतजावतमा सम्भव नदेखिएको खड्काले बताए ।

तत्काल मर्मतसम्भार पनि गर्न नसक्ने भएपछि जताबाट आएको त्यतैतर्फ सवारीसाधन फर्काइएको पनि उनले जानकारी दिए ।