एमालेका वडाध्यक्ष उम्मेदवारमाथी करोडौं राजश्व छलिको आरोप पुष्टि गर्ने उजुरी दर्ता : उम्मेदवारी नै खारेज हुनसक्ने

धादिङ – धादिङको बेनिघाट रोराङ गाँउपालिका वडा नं. ३ मा वडाध्यक्षका उम्मेदवार बनेका भुवन त्रिपाठीविरुद्ध उजुरी परेको छ ।

उजुरीमा त्रिपाठीको उम्मेदवारी कानुन विपरीत रहेकोले खारेज गर्न माग गरिएको छ । त्रिपाठीविरुद्ध मंगलबार निर्वाचन अधिकृतको कार्यालयमा नेपाली काँग्रेस, नेकपा एकिकृत समाजवादी र जनता समाजवादीले संयुक्त रुपमा उजुरी दर्ता गरेका हुन् । निर्वाचन अधिकृतको कार्यालय बेनिघाट रोराङले पनि एमालेको तर्फबाट वडाध्यक्षका उम्मेदबार त्रिपाठीविरुद्ध उजुरी परेको पुष्टि गरेको छ ।

त्रिपाठी मुख्य संचालक रहेको मलेखुस्थीत् तेज एग्रिगेट क्रसर उद्योगले गत २०७३ सालदेखी राजश्व र जरिवानासहितको १ करोड १७ लाख ५२ हजार रुपैंया नतिरेको आरोपसहित उम्मेदवारी रद्ध हुनुपर्ने उल्लेख छ । हाल वडाध्यक्ष रहेका त्रिपाठीमाथी गत २०७३ सालमा सरकारी कागजात किर्ते गरेको आरोप छ ।

तेज एग्रिगेट क्रसर उद्योगले क्रसर आसपासको त्रिसुली नदि क्षेत्रमा अनाधिकृत ढंगले बगर खोतलेको आरोप छ । सोहि कारण उक्त क्रसरमाथी १ करोड १७ लाख ५१ हजार १६० रुपैया जरिवाना तोकेको छ । यद्धपी त्रिपाठीले भने शक्तिको पहुँचमा हालसम्म उक्त जरिवाना तिरेका छैनन् ।

त्रिपाठीविरुद्ध अख्तियार दुरुपायोग अनुसन्धान आयोगमा पनि मुद्धा परेको छ । उता निर्वाचन अधिकृतको कार्यालयले पनि त्रिपाठीको उम्मेदवारी रद्धहुनसक्ने बताएको छ ।

उता जिल्ला प्रशासन कार्यालय धादिङले पनि वडाध्यक्ष त्रिपाठी मुख्य संचालक रहेको क्रसर उद्योगले हालसम्म उक्त रकम भुक्तानी गर नगरेकोबारे अनुसन्धान सुरु गरेको छ ।