स्थानिय तह निर्वाचन : धादिङमा प्रमुख र उपप्रमुख भागबण्डामा गठबन्धनबीच सहमती

धादिङ – आगामी स्थानिय तह निर्वाचनका लागी धादिङमा सत्ता गठबन्धनका दलहरुबीच सहमती भएको छ ।

आज आईतबार बसेको बागमती प्रदेश स्तरिय बैठकले जिल्लामा सत्ता गठबन्धनका दलहरुबीच प्रमुख तथा उपप्रमुखको भागबण्डामा सहमती गरेको हो ।
सहमती अनुसार नेपाली कांग्रेसले ७ वटा स्थानीय तहमा प्रमुख र ४ वटा स्थानीय तहमा उपप्रमुख पदको साथै जिल्ला समन्वय समितीको प्रमुख समेत पाएको छ ।

त्यस्तै नेकपा एकिकृत समाजवादीले २ वटा पालिका प्रमुखको साथै ४ वटा पालिका उपप्रमुख र जिल्ला समन्वय समितीमा उपप्रमुख पाएको छ । त्यस्तै माओवादी केन्द्रले पनि ३ वटा स्थानीय तहको प्रमुख, ४ स्थानीय तहमा उपप्रमुख पाएको छ ।

त्यस्तै विवादित रहेको थाक्रे गाँउपालिकामा भने जिल्ला तहले नै सहमती गरी उम्मेद्धार तय गर्ने बताइएको छ ।