बुद्ध एयरको विमान नेपालगञ्जमा आकस्मिक अवतरण

काठमाण्डौ – धनगढीबाट काठमाण्डौ उँडेको बुद्ध एयरको विमान नेपालगञ्जमा आकस्मिक अवतरण गरेको छ ।

विमानमा सवार एक यात्रुको स्वास्थ्यमा समस्या देखिएपछि नेपालगञ्जमा आकस्मिक अवतरण गरेको हो । नेपालगञ्ज विमानस्थलमा स्वास्थ्यकर्मी र एम्बुलेन्सको व्यवस्था गरिएको थियो । विमानस्थलमै स्वास्थ्य जाँच गरिएको र उनको अवस्था ठिक रहेको बुद्ध एयरले जनाएको छ ।

नेपालगञ्जमा यात्रुलाई आफन्तको जिम्मा लगाइएको छ ।