स्थानीय तह निर्वाचन : ठेकेदारले चुनाव लड्न नपाउने , यस्तो छ उम्मेदवार बन्‍न आवश्यक योग्यता !

काठमाण्डौ – आगामी स्थानीय तहको निर्वाचनमा ठेक्कापट्टामा संलग्न रहेका व्यक्तिहरु उम्मेदवार हुनबाट बञ्चित हुने भएका छन् ।

आज बुधबार बसेको निर्वाचन आयोगको बैठकले ठेक्कापट्टा वा चलअचल सम्पत्तिमा संलग्न रहेका व्यक्ति उम्मेदवार हुन नपाउने निर्णय गरेको हो । बैठकपछि आयोगले स्थानीय तह निर्वाचनमा उम्मेदवारको मनोनयनपत्र साथ पेस गर्नुपर्ने स्वघोषणाका बुँदाहरुसमेत सार्वजनिक गरेको छ ।

जसमा नेपालको संविधानप्रति पूर्ण निष्ठावान रहेको, २१ वर्ष पूरा भएको नेपाली नागरिक भएको, सम्बन्धित वडाको मतदाता नामावलीमा नाम समावेश भएको, सरकारी कोषबाट पारिश्रमिक वा आर्थिक सुविधा पाउने गरी कुनै लाभको पद धारण नगरेको लगायत रहेका छन् ।