आगामी चुनावमा एमोलेसँग गठबन्धन हुन्छ : कमल थापा

चितवन – राप्रपा नेपालका अध्यक्ष कमल थापाले आगामी स्थानीय निर्वाचनमा एमोलेसँगको गठबन्धनको तयारी भएको बताएका छन् ।

मंगलवार, भरतपुरमा आयोजित पत्रकार सम्मेलनमा बोल्दै अध्यक्ष थापाले यसपटकको स्थानीय तहको निर्वाचनमा नेकपा एमालेसँग सहकार्यको प्रयास भएको बताएका हुन्। थापाले निर्वाचनबाट धेरै अपेक्षा नरहेको बताउँदै पार्टीलाई खुट्टा टेकाउन मात्रै खोजेको पनि बताए ।

‘स्थानीय निर्वाचनमा सहकार्य गर्ने कुरामा एमालेसँग प्रारम्भिक चरणको कुरा भएको छ,  ‘राष्ट्रियतासहितका विभिन्न सवालमा एमालेसँग निकट भएको महशुस गरेका छौं । सम्भव भयो भने सहकार्य गरेर जाने हाम्रो प्रयास हुनेछ ।’ उनले भने ।

यो निर्वाचनमा राजनीतिक दलहरुबीचमा गठबन्धन, सहकार्य संविधानलेनै अपेक्षा गरेकाले चुनावी तालमेल हुनु स्वभाविक भएको बताए ।