आजदेखि शिक्षक सेवा आयोगको परीक्षा सुरु

काठमाण्डौ – स्थायी शिक्षक भर्नाका लागि आजदेखि शिक्षक सेवा आयोगको परीक्षा सुरु भएको छ ।

पहिलो दिन आज मा.वि तहका शिक्षकको परीक्षा सुरु भएको शिक्षक सेवा आयोगले जनाएको छ । १७ हजार २ सय बढी स्थायी शिक्षकका लागि परीक्षा हुन लागेको हो ।

आयोगका अनुसार चैत १७ गते निमावि, १९ गते प्रावि र २१ गते आन्तरिक बढुवातर्फको परीक्षा हुनेछ । माविमा १ हजार ५४७, निमाविमा २ हजार ५९८ र प्राविमा १३ हजार ९३ जनाका लागि विज्ञापन आह्वान गरेको थियो ।