माओवादी केन्द्र चितवनको इन्चार्जमा प्रचण्ड पुत्री : संयोजकको जिम्मेवारी अधिकारीलाई

चितवन – सत्तारूढ दल नेकपा (माओवादी केन्द्र) को चितवन जिल्ला इन्चार्जको जिम्मेवारी प्रचण्ड पुत्री रेणु दाहालले पाएकी छिन् ।

माओवादी केन्द्रको वागमती प्रदेश कार्यालयको बैठकले चितवन जिल्ला इन्चार्जको जिम्मेवारी प्रचण्ड पुत्री रेणु दाहाललार्य दिएको हो । त्यस्तै बैठकले संयोजकको जिम्मेवारी रामचन्द्र अधिकारीलाई दिएको छ ।

भरतपुर नगरपालिकाकी मेयर समेत रहेकी दाहाल माओवादी केन्द्रकी केन्द्रीय सदस्य हुन् । उनले यसअघि भरतपुर महानगरको इन्चार्जको जिम्मेवारी सम्हालेकी थिइन् । त्यस्तै जिल्ला संयोजकको जिम्मेवारी पाएका अधिकारी पनि पूर्व विद्यार्थी नेता हुन्।

उनी विगतमा अनेरास्ववियू (क्रान्तिकारी) का केन्द्रीय उपाध्यक्ष थिए। यसअघि उनी पार्टीको चितवन जिल्ला कार्यालय सदस्य थिए।