संखुवासभा – संखुवासभा मादीमा भएको यात्रुवहाक बस दुर्घटनामा मृत्यु हुनेको संख्या १३ पुगेको छ । आज विहान करिव ७ बजेतिर झापाको दमकतर्फ जादै गरेको बा ४ ख ७३५ नम्बरको यात्रुवाहक बस संखुवासभाको मादी नगरपालिका वडा नं. ६ सातघुम्ती भन्ने स्थानमा दुर्घटना भएको थियो । उक्त दुर्घटनामा मृत्यु हुनेको संख्या १३ पुगेको प्रहरीले जनाएको छ । प्रहरीका अनुसार अहिलेसम्म १३ जनाको शव संकलन र ५ जनाको जिवितै उद्धार गरिएकाे छ । मृतकहरुको विवरण संकलन भइरहेको जिल्ला प्रहरी कार्यालय संखुवासभाका डिएसपी लालध्वज सुवेदीले बताए ।
२०८१ भाद्र २३, आईतबार