९ केजी गाँजासहित धादिङबाट दुई जना पक्राउ

धादिङ – प्रहरीले करिब ९ किलोग्राम गाँजासहित धादिङबाट दुई जनालाई पक्राउ गरेको छ ।

धादिङको गजुरी गाउँपालिका – २ फुर्केखोलाबाट करिब ९ किलोग्राम गाँजा सहित दुई जनालाई प्रहरीले पक्राउ गरेको हो । पक्राउ पर्नेमा पोखरा महानगरपालिका – ३ बस्ने ३८ वर्षीय अनिल शाक्य र पोखरा महानगरपालिका – १ बस्ने २४ वर्षीय लिमु रजक रहेका छन् । उनीहरुलाई मंगलबार बेलुकी प्रहरीले पक्राउ गरेको हो ।

खानीखोलाबाट पोखरातर्फ जाँदै गरेको ग।१९ प ३८६९ नम्बरको स्कुटरलाई अस्थाई प्रहरी पोष्ट फुर्केखोलाबाट खटिएको प्रहरीले जाँच गर्दा उनीहरुको साथमा गाँजा फेला परेपछि पक्राउ गरिएको प्रहरीले जनाएको छ ।