पल शाहलाई सात दिन हिरासतमा राखेर अनुसन्धान गर्न आदेश

काठमाण्डौ – जिल्ला अदालत तनहुँले अभिनेता पल शाहलाई सात दिन हिरासतमा राखेर अनुसन्धान गर्न आदेश दिएको छ ।

आईतबार, जिल्ला अदालत तनहुँले बलात्कार आरोपी अभिनेता शाहलाई सात दिन हिरासतमा राखेर अनुसन्धान गर्न आदेश दिएको हो । चार दिनअघि नाबालिग एक गायिकाले उनीविरुद्ध बलात्कारको आरोप लगाउँदै जिल्ला प्रहरी कार्यालय तनहुँमा जायरी दिएकी थिइन । उनले जाहेरी दिएसँगै प्रहरीले अभिनेता शाहलाई पक्रन सर्कुलर जारी गरेको थियो । प्रहरीको सर्कुलरसँगै उनी फरार रहेका थिए ।

तर, उनले आज मध्यान्ह जिल्ला प्रहरी कार्यालय तनहुँमा आत्मसमर्पण गरेका थिए । म्याद थपका लागि उनलाई प्रहरीले हथकडी लगाएरै अदालतमा पेश गरेको थियो ।