रोकिएन राधे समुहको दादागिरी : ग्याङसहित पुगेका राधेले यसरी कुटे रेष्टुरेन्ट संचालक

धादिङ – धादिङका गुण्डा नाइके राधाकृष्ण भण्डारी राधेले धादिङको सदरमुकाममा रेष्टुरेन्ट संचालकमाथी निर्घात् कुटपिट गरेका छन् ।

शुक्रबार बेलुका ९ बजेतिर पुचारबजारस्थित ब्रदर्श दोहोरी साझमा आफ्नो समुहसहित पुगेका भण्डारीले दोहोरी संचालक विनोद श्रेष्ठलाई निर्घात कुटपीट गरेका हुन् । गुण्डा नाइके राधेले रेष्टुरेन्ट संचालकमाथी निर्घात् कुटपिट गरेको भिडियोसमेत सार्वजनिक भएको छ ।

भिडियोमा शुरुमा राधे दोहोरी साँझमा आएका छन् भने उनले दोहरी संचालक श्रेष्ठमाथी हातपात गर्न खुट्टा उचाल्छन् । यतिकैमा राधे समुहका अर्का गुण्डा प्रकाश तामाङ टेबलमाथिबाट आएर श्रेष्ठमाथि आक्रमण गर्दछन् ।

आक्रमणमा राधे भण्डारीसहित सन्तोष थापा, प्रकाश तामाङ, काजी शाक्य, सुजन तामाङ, सरोज अधिकारी, ललित तामाङ, सुनिल थापाको समलग्नता रहेको छ ।

नेपाली कांग्रेसको महाधिवेशन प्रतिनिधीसमेत रहेका गुण्डा नाइके राधाकृष्ण भण्डारी राधे समुह केहि समय शान्त रहेपनि पछिल्लो समय धादिङमा पुनः सक्रिय हुन थालेको छ । दियोपोष्टबाट ।

काँग्रेसको महाधिवेशन प्रतिनिधीमा डन राधे भण्डारीको पनि उम्मेद्वारी