एनसेलको क्यास ब्याक अफर

काठमाडौं – एनसेल आजियाटा लिमिटेडले ‘गज्जबको डेलि जीबी प्याक’ अन्तर्गतका तीन विभिन्न प्याकमा २० देखि ६० रुपैयाँसम्मको क्यास ब्याक अफर सञ्चालनमा ल्याएको छ ।

गज्जबको डेलि जीबी प्याक अन्तर्गतको क्यास ब्याक योजना अन्तर्गत एनसेलका ग्राहकले ७ दिन वा ३० दिनसम्म दैनिक १ जीबी र ७ दिनसम्म दैनिक २ जीबीको गजब्बको डेलि जीबी प्याक किन्दा क्यास ब्याक पाउने कम्पनीले जनाएको छ ।

७ दिनका लागि मान्य रहने दैनिक १ जीबी गज्जबको डेटा प्याक ग्राहकले कर सहित मात्र एकसय ६९ रुपैयाँमा पाउनेछन । यो प्याक सुचारु गर्ने ग्राहकले २० रुपैयाँ क्यास ब्याक अर्थात बोनस ब्यालेन्स पाउँछन् । त्यसैगरी ग्राहकले कर सहित २ सय ६९ रुपैयाँमा ७ दिनको समयसीमा रहेको दैनिक २ जीबी डेटा प्याक खरिद गर्दा ३० रुपैयाँ क्यास ब्याक पाउने कम्पनीले जनाएको छ ।

धेरै लामो समयसिमा रहेको डेटा प्याक प्रयोग गर्न चाहने ग्राहकले ३० दिनको समयसीमा रहेको दैनिक १ जीबी डेटा प्याक पाँच सय ९९ मा लिन सक्नेछन । यो प्याक लिने ग्राहकले ६० रुपैयाँ क्यास ब्याक पाउने कम्पनीले बताएको छ । गज्जबको डेलि जीबी डेटा प्याक अन्तर्गत प्राप्त क्यास ब्याक ग्राहकले पे एज यू गो अन नेट भ्वाइस कल, एसएमएस र डेटा सेवा प्रयोग गर्न सक्ने कम्पनीको भनाई छ ।