एमसीसी, स्थानीय चुनावलगायतका विषयमा सत्तारुढ गठबन्धनका नेताबीच छलफल

काठमाण्डौ – सत्तारुढ गठबन्धनका शीर्ष नेताबीच छलफल हुने भएको छ ।

आज (शनिबार) प्रधानमन्त्री सरकारी निवाश बालुवाटारमा प्रधानमन्त्री तथा काँग्रेस सभापति शेरबहादुर देउवा, नेकपा माओवादी केन्द्रका अध्यक्ष प्रचण्ड तथा नेकपा एकीकृत समाजवादीका अध्यक्ष माधव नेपालबीच छलफल हुन लागेको हो ।

बैठकमा एमसीसी, स्थानीय चुनावलगायतका विषयमा छलफल हुने बताइएको छ । अमेरिकाले फेब्रुअरी अन्तिमभित्र जसरी पनि एमसीसी पारित गर्न दबाब दिइरहेको छ । तर, यसबारे सत्तारुढ गठबन्धनमा नै मतभेद छ ।

काँग्रेस एमसीसी पारित गर्ने पक्षमा रहेको छ भने माओवादी र एकीकृत समाजवादी संशोधनसहित एमसीसी पारित गर्नुपर्ने बताउँदै आइरहेको छ । सरकारले अब बस्ने प्रतिनिधि सभा बैठकमा एमसीसी टेबल गर्ने तयारी गरेको छ ।