हृदयश त्रिपाठीद्धारा नयाँ दल दर्ता : जनता प्रगतिशील पार्टीको कार्यसमितिमा को – को छन् ?

काठमाण्डौ – हृदयश त्रिपाठीले नयाँ दल दर्ता गरेका छन् ।

त्रिपाठीले शुक्रबार, आफ्नो अध्यक्षतामा जनता प्रगतिशील पार्टी नेपाल दर्ता गरेका हुन् । नयाँ दल दर्ताका लागी त्रिपाठीले निर्वाचन आयोगमा निवेदन दिएका छन् । पार्टीले ३० सदस्यीय कार्यसमितिसहित निर्वाचन आयोगमा निवेदन दिएको पार्टीका महासचिव ईश्वरदयाल मिश्रले बताए ।

पार्टी दर्ताका पार्टीको विधान, घोषणापत्र लगायत कार्यसमिति सदस्यको हस्ताक्षरसहित आवश्यक अन्य कागजपत्रहरू राखेर निवेदन दर्ता गराएको उनले बताए । उनले भने, ‘३० जनामध्ये १५ जनाले सनाखत गरेका छन् । बाँकी १५ जनाले आइतबार सनाखत गर्नेछन् ।’ यद्धपी अध्यक्ष त्रिपाठीले चुनाव चिन्ह भने दिएका छैनन्। निर्वाचन आयोगले तीनवटा चुनाव चिन्हमध्ये एउटा चयन गर्न भनेको थियो तर अध्यक्ष त्रिपाठीले आफूले चुनाव चिन्ह पछि दिने बताएका छन् ।

महासचिव मिश्रका अनुसार पार्टी वरिष्ठ उपाध्यक्षमा डा.शिवजी यादव छन् । यस्तै अन्य तीनजना उपाध्यक्षमा हर्ककलाल सिंहराजवंशी, मोहम्मद साविर हुसैन र फरहान अकवाल खाँ रहेका छन् । महासचिवमा इश्वर दायाल मिश्र र डा.भरतकुमार थापा रहेका छन् भने सदस्यहरुमा बाबा सरकार श्रेष्ठ, हेमशंकर सिंह ‘राजपुत’, श्याम थापा, देवेन्द्र किशोर ढुगांना, उमा तिवारी, रामचन्द्र सुतियार शर्मा, श्रीमननारायण मिश्र, शोभा त्रिपाठी, गीता भुसाल, श्यम कृषि अधिकारी लगायत रहेका छन् ।