चितवन, महोत्तरी र बर्दियाका एसपीहरुको काज सरुवा

काठमाण्डौ – नेपाल प्रहरीले तीन जिल्लाका प्रहरी प्रमुखहरुको काज सरुवा गरेको छ ।

प्रहरी प्रधान कार्यालय नक्सालले आज एक सुचना प्रकाशित् गरी चितवन, महोत्तरी र बर्दियाका प्रहरी प्रमुखको काज सरुवा गरेको हो ।

केन्द्रीय प्रहरी प्रवक्ता विष्णुकुमार केसीका अनुसार चितवनमा एसपी नवराज अधिकारी, महोत्तरीमा कृष्ण पंगेनी र बर्दियामा वीरेन्द्र शाहीको सरुवा भएको छ ।

हाल चितवनमा ओम अधिकारी, महोत्तरीमा दिनेश आचार्य र बर्दियामा ईश्वर कार्की कार्यरत थिए ।