हत्या आरोपमा अघोरी बाबा पक्राउ

काठमाण्डौ – काठमाण्डौको दक्षिणकालीमा ब्यक्ती हत्या आरोपमा एक अघोरी बाबालाई पक्राउ गरेको छ ।

दक्षिणकाली नगरपालिका – ६ स्थित् फर्पिङमा करिब ४५ वर्षका पुरुषको हत्या गरेको आरोपमा प्रहरीले ३५ बर्षिय शिव गिरी उर्फ अघोरी बाबालाई पक्राउ गरेको हो । बिहिबार साँझ दक्षिणकाली पार्टी प्यालेस अगाडी बस्ने अघोरीले बोल्न नसक्ने र मागेर खाने अर्का पुरुषलाई चिर्पटले हिर्काएका थिए ।

चिर्पट र बाँस प्रहारबाट गम्भीर घाइते भएका पुरुषको शुक्रवार बिहान वीर अस्पतालमा मृत्यु भएको प्रहरीले जनाएको छ । हत्यामा संलग्न गिरीलाई ईलाका प्रहरी कार्यालय फर्पिङले पक्राउ गरेको छ । आरोपीलाई ज्यान सम्बन्धी कसुरमा म्याद लिएर अनुसन्धान भइरहेको महानगरीय प्रहरी परिसर काठमाडौंका एसपी दिनेशराज मैनालीले बताए ।

मृतक ७ वर्षदेखि सो ठाउँमा मागेर खान्थे । गिरी र उनको बिचमा दक्षिणकाली पार्टी प्यालेस अगाडी बस्ने ठाउँबारे विवाद भएको बुझिएको मैनालीले बताए । आफू बस्न खोजेको ठाउँमा ति पुरुष बसेपछि आवेगमा चिर्पटले हिर्काएको अघोरीले प्रहरीलाई बताएका छन् ।