गैडा खसेको खवर सेलाउन नपाँउदै भरतपुरमा नालीमा खसेर युवकको मृत्यु

चितवन – भरतपुर महानगरपालिकामा नालीमा गैडा खसेको खवर सेलाउन नपाँउदै फेरी नालीमा खसेर एक युवकको मृत्यु भएको छ ।

भरतपुर महानगरपालिका वडा नं. ९ स्थीत् गोन्द्राङको भित्री सडकको नालीमा खसेर स्थानीयवासी राजु विकको मृत्यु भएको जिल्ला प्रहरी कार्यालयले जनाएको छ । प्रहरी नायब उपरीक्षक नरहरि अधिकारीका अनुसार आज बिहान अन्दाजी ७ बजे विकको मृत्यु भएको हो ।

प्रहरीका अनुसार विकलाई साइकलसहित स्थानीयवासीले नालीमा देखेपछि प्रहरीलाई खबर गरेका थिए । विकको शव परीक्षणका लागि भरतपुर अस्पतालमा ल्याइएको छ ।