२०८१ मंसिर ७, शुक्रबार

सांसदकै अगाडी मधेस प्रदेशको गाडी तोडफोड : भाटा प्रहारबाट सांसद घाईते

शुभयुग संवाददाताप्रकाशित मिति: २०७८ माघ १२, बुधबार (२ साल अघि)

९२० पाठक संख्या

जनकपुरधाम – आन्दोलनरत् डा. सिके राउत नेतृत्वको जनमत पार्टीका कार्यकर्ताहरुले मधेस प्रदेशका सांसद अशोक यादव सवार गाडी पनि तोडफोड गरेका छन् ।

राष्ट्रिय सभा सदस्यको निर्वाचनमा मतदान गर्न जाँदै गरेका सांसद यादवको गाडीमा जानकी मन्दिर अगाडि जनमत पार्टीका कार्यकर्ताहरुबाट तोडफोड भएको हो । गाडी तोडफोडका क्रममा सांसद यादवको हातमासमेत चोट लागेको छ ।

यादव प्रदेश मामिला संसदीय समितका सभापति हुन् । प्रदेश सभाले उपलब्ध गराएको गाडीमा तोडफोड भएको हो । यसअघि जनकपुरमा जनमत पार्टीका कार्यकर्ता र प्रहरीबीच झडप भएको थियो । राष्ट्रिय सभाको मधेस प्रदेशको मतदानस्थलनजिक जनमत पार्टीका कार्यकर्ता र प्रहरीबीच झडप भएको हो ।

महेन्द्र नारायण निधि स्मृति प्रतिष्ठानतर्फ जनमत पार्टीका कार्यकर्ताहरु बाँसको भाटा लिएर जान खोज्दा झडप भएको हो ।