एलिट कन्स्ट्रक्सनद्धारा निर्मित पोखराको पक्कि पुल सञ्चालनमा नआउँदै भाँचियो : कमसल सामग्री प्रयोग

पोखरा – पोखरामा, एलिट कन्स्ट्रक्सनद्धारा निर्मित पक्कि पुल सञ्चालनमा नआउँदै भाँचिएको छ ।

६ करोड ११ लाखमा निर्माण भएको पोखरा महानगरपालिकाको गगनगौँडा र लामगाँदे जोड्ने पक्कि पुल सञ्चालनमा नआउँदै भाँचिएको हो। सोमबार परीक्षणका लागि टेको झिक्ने क्रममा पक्कि पुल भाँचिएको हो ।

एलिट कन्स्ट्रक्सनले ठेक्का लिएको पुलको स्टिल ट्रस बांगिएको छ भने माथिल्ला संरचना प्रयोग गर्नै नमिल्नेगरी चर्किएका छन् । कम गुणस्तरका सामग्री प्रयोग गरेका कारण क्षति भएको स्थानीयले बताएका छन् ।