वडा अध्यक्षलाई कालोमोसो सहित जुत्ताको माला

जाजरकोट – जाजरकोटका एक वडाध्यक्षलाई कालोमोसो दलेर जुत्ताको माला लगाईएको छ ।

छेडागाड नगरपालिकाको वडा नं. ६ का वडाध्यक्ष रामबहादुर केसीलाई नेत्रविक्रम चन्द (विप्लव) निकट विद्यार्थी संगठन अखिल क्रान्तिकारीले कालोमोसो सहित जुत्ताको माला लगाईएको अखिल क्रान्तिकारी जाजरकोटका संयोजक दीपेन्द्र सिंहले जानकारी दिए ।

वडाध्‍यक्ष केसीले जनविकास माध्यमिक विद्यालयको निर्माण कार्यमा ९ लाख हिनामिना गरेको आरोप लगाउँदै कालोमोसो दलेको विद्यार्थी संगठनले दावी गरेको छ । यसबाहेक अरु आयोजनामा पनि भ्रष्टाचार गरेको आरोपमा वडाध्‍यक्ष केसीमाथि यस किसिमको कारवाही गरिएको विद्यार्थीहरुको भनाइ छ ।

कालोमोसो दलेर जुत्ताको माला लगाईएको वडाअध्यक्ष केसीको तस्बिर अहिले सामाजिक सञ्जालमा भाईरल समेत बनेको छ ।