मुग्लिन नजिकै त्रिशूलीमा खस्यो स्करपियो

चितवन – नारायणगढ – मुग्लिन सडक खण्डअन्तर्गत मुग्लिन नजिकै एक स्कारपियो जिप त्रिशूली नदिमा खसेको छ ।

शुक्रबार साँझ इच्छाकामना गाउँपालिका वडा नं. ६ स्थित् मुग्लिन नजिकै तीन नम्बर पुलबाट स्करपियो त्रिशूलीमा खस्दा सात घाइते भएको चितवन प्रहरीले जनाएको छ । नारायणगढबाट काठमाडौँतर्फ जाँदै गरेको बा १३ च ४३६५ नम्बरको स्करपियो खसेको हो ।

जिल्ला प्रहरी कार्यालय चितवनका प्रमुख प्रहरी उपरीक्षक ओप्रसाद अधिकारीका अनुसार सवारी चालकसहित घाइते सबैलाई उपचारका लागि भरतपुरतर्फ ल्याइँदै छ । दुर्घटनाको कारण खुलेको छैन ।