कामना बैंक र एमओसिओ एप बीच साझेदारी

काठमाण्डौ – कामना सेवा विकास बैंक लिमिटेड र एमओसिओ एप बिच डिजिटल वालेट सुविधा आदान प्रदान गर्ने गरी साझेदारी पत्रमा हस्ताक्षर भएको छ ।

उक्त साझेदारी पत्रमा बैंकका प्रमुख कार्यकारी अधिकृत प्रविण बस्नेत र फोसुसिन पेमेन्ट सोलुसनका प्रमुख कार्यकारी अधिकृत प्रणय राजभण्डारीले संयुक्त रुपमा हस्ताक्षर गरेका हुन । एमओसिओ एप नेपालमा पहिलोे ‘ओपन लुप नन–स्टोर भ्यालु’ डिजिटल वालेट हो । जसमा ग्राहकले सजिलै आफ्नो कार्डको विवरण राखी तुरुन्तै क्युआर कोडको माध्यमबाट विभिन्न मर्चेन्ट आउटलेटमा पेमेन्ट गर्न सक्नेछन् ।

बैकको भिसा कार्ड प्रयोगकर्ताले सो एपमा आफ्नो डेबिट कार्ड लिंक गरी खरीद तथा विभिन्न सेवाको भुक्तानीको लागि प्रयोग गर्न सक्नेछन । काठमाडौं  – ३०, ज्ञानेश्वरमा केन्द्रीय कार्यालय रहेको बैंकले देशका विभिन्न भागमा १ सय २९ शाखा, १ एक्सटेन्सन काउन्टर र १ शाखा रहित बैंकिङ सेवा तथा ७७ वटा एटिएम मार्फत ग्राहकलाई आफनो सेवाहरु प्रदान गर्दै आएको पनि विज्ञप्तिमा उल्लेख छ ।