सर्लाहीका सिडिओ र एसपीलाई कोरोना सङ्क्रमण

सर्लाही – सर्लाहीका प्रमुख जिल्ला अधिकारी थानेश्वर गौतम र प्रहरी उपरीक्षक कृष्ण प्रसाईंलाई कोरोना सङ्क्रमण पुष्टि भएको छ ।

प्रजिअ अधिकारी र एसपी प्रसाईंको पिसिआर परीक्षणका लागि आइतबार जिल्ला अस्पताल मलङ्गवामा स्वाब परीक्षण गरिएकोमा कोरोना सङ्क्रमण पुष्टि भएको जिल्ला प्रहरी कार्यालयका प्रवक्ता प्रहरी नायव उपरीक्षक माधवप्रसाद बुढाथोकीले जानकारी दिए ।

डिएसपी बुढाथोकीका अनुसार सोमबार साँझ रिपोर्ट पोजिटिभ आएपछि दुवै जना आईसोलेशनमा बसेका छन् ।