भिरबाट लडेर जनप्रतिनिधीको मृत्यु

रुकुम – रुकुम पूर्वमा एक जनप्रतिनिधीको भिरबाट लडेर मृत्यु भएको छ ।

बिहीबार बिहान, छिपखोलास्थित घरबाट रुकुमकोट जाँदै गर्दा वडा नं ४ को फारुलाको बाटोमा लडेका ४४ वर्षीय सिस्ने गाउँपालिकाका वडा सदस्य धनबहादुर पुनको उपचारका लागि अस्पताल लिँदै गर्दा बाटोमै मृत्यु भएको हो।

बिहीबार बिहान कामको शिलशिलामा गाउँपालिकाको केन्द्र रुकुमकोट आउने क्रममा लडेका पुनको थप उपचारका लागि नेपालगञ्ज लैजादैँ गर्दा शुक्रबार त्रिवेणी गाउँपालिकाको झुल्नेटामा मृत्यु भएको वडाध्यक्ष जीवन केसीले जानकारी दिए।

जिल्ला अस्पताल रुकुमकोटमा सामान्य उपचारपछि पुनलाई थप उपचारका लागि नेपालगञ्ज लैजान लागिएको थियो।

मृतक पुनको शुक्रबारै छिपतरास्थित सानीभेरी नदी किनारमा अन्त्येष्टि गरिएको छ। मृतक पुनका श्रीमती र एक छोरा छन्।