सिन्धुपाल्चोकमा जन्ती बस दुर्घटना : चालकको मृत्यु , यस्तो छ बेहुला बेहुलीको अवस्था

सिन्धुपाल्चोक – गएराती सिन्धुपाल्चोकमा जन्तीबस दुर्घटना भएको छ ।

गएराति ९ बजे बलेफी ५ का स्थानीय सन्तोष भुजेलको बिवाहको जन्ती लिएर काभ्रेको भुम्लु जान लागेको बा २ ख ५६१४ नम्बरको बस बलेफी गाउँपालिका ४, बिञ्जेलमा दुर्घटना हुँदा चालकको मृत्यु भएको हो । उक्त दुर्घटनामा परी चालक बलेफी ६ बदर्पाका राजु तामाङको घटनास्थलमा मृत्यु भएको प्रहरीले जनाएको छ ।

त्यस्तै दुर्घटनामा आठ जना गम्भीर घाइते भएका छन् । अन्य सामान्य घाइते भएका छन् । घाइतेलाई उपचारको लागि सिन्धु सदावहार अस्पताल खाडिचौर र धुलिखेल अस्पताल लगिएको छ । दुर्घटनामा परेका दुलाहा पनि सामान्य घाईते भएको सिन्धुपाल्चोक प्रहरीले जनाएको छ ।

बसमा ३० जना सवार रहेको अनुमान छ ।