दोस्रो कार्यकालका लागि एमाले अध्यक्षमा ओली निर्वाचित : रावलको २२३ मत

चितवन । सौराहामा जारी नेकपा एमालेको १०औँ महाधिवेशनबाट अध्यक्षमा केपी शर्मा ओली नै दोस्रो कार्यकालका लागि निर्वाचित भएका छन् ।

अध्यक्ष पदका लागी भएको मतदानमा खसेको कूल २ हजार ९६ मतमा ओलीले १८०८  मत पाएर अध्यक्ष चुनिंदा अर्का प्रत्यासी भीम रावलले २२३ मत पाएका  निर्वाचन समितिका सदस्य बाबुराम दाहालले जानकारी दिए । यद्यपि निर्वाचन समितिले मत परिणामको औपचारिक घोषणा भने गरेको छैन ।

अध्यक्षको टुंगो लागेपछी अहिले उपाध्यक्षको मत गणना शुरु भएको छ । त्यसपछि सचिव र केन्द्रीय सदस्यको मत गणना हुने एमाले निर्वाचन आयोगले जानकारी दिएको छ । आज बिहान ४ बजेबाट मतदान शुरु गरी दिउँसो एक बजेबाट गणना शुरु गरिएको थियो ।