एमाले महाधिवेशनस्थलमा खादा र माला व्यापार गर्नेको भिड

चितवन – सौराहामा जारी नेकपा एमालेको महाधिवेशनको मतगणनास्थलमा अहिले खादा र मालाको व्यापार गर्नेको भिड लागेको छ ।

महाधिवेशन अन्तर्गत नयाँ नेतृत्व चयनका लागि भएको मतदान सकिनुभन्दा केही समय अगाडिदेखि नै व्यापारीहरुले बेच्नका लागि खादा माला ल्याएर राखेका छन् । अहिले उक्त स्थलमा खादा र माला बेच्ने व्यापारीहरुको भिड नै लागेको छ ।

व्यापारीहरुले निर्वाचनमा निर्वाचित उम्मेदवारहरुलाई लगाइदिएर बधाई दिन खादा, माला, टीकालगायतका सामग्री बेच्नका लागि तयार पारेर राखेको बताएका छन् ।