नेपाल म्युजिक अवार्डको उपाधी प्रहरी निरिक्षक पाण्डेलाई

काठमाण्डौ – प्रहरी निरिक्षकसमेत रहेका चर्चित् गीतकार भोजराज पाण्डेले तेस्रो एपिक नेपाल म्युजिक अवार्ड प्राप्त गरेका छन् ।

पाण्डेको ‘‘आधी र हुरी, प्रचण्ड गर्मी नेपाल प्रहरी ’’ बोलको गित आधुनिक विधा तर्फको शब्दमा सर्वोत्कृष्ट भएको हो । एपिक नेपालले एक कार्यक्रमको आयोजना गरि उत्कृष्ट हुने गायक, गायिका, शब्द, संगित, मोडल लगायत विभिन्न विधामा सर्वोउत्कृष्ट हुनेहरुलाई सम्मान गरेको छ । प्रहरी निरिक्षक पाण्डेले केही महिना अघि मात्र आधी र हुरी प्रचण्ड गर्मी‘आधुनिक गीत बजार ल्याएका थिए ।

यस आधुनिक गीतमा नेपाल रक्षाको लागि अग्रपक्तिमा रहेका प्रहरी र प्रहरी जिवनका कठिनाई व्यक्त भएको पाइन्छ । प्रहरी जस्तो सुकै परिस्थितिमा पनि कर्तव्य प्रति निष्ठावान, निर्भिक र अटल रहने सन्देश गीतले दिएको छ । यस गीतलाई नेपाल प्रहरीले उत्कृष्ट ठान्दै बजारमा ल्याउन मान्यता दिएको थियो । मनोनयनमा परेको ५ आधुनिक गीतको शब्द मध्ये उत्कृष्ट हुदै पाण्डेको प्रहरी गीतको शब्द सर्वोत्कृष्ट घोषित भएको हो । यस गीतमा चर्चित गायक प्रताप दासले आवाज दिएका छन् भने संगीत संगितकार दिपक शर्माको छ ।

मध्यपुर ठिमी नगरपालिकाको सहकार्यमा यस बर्ष एपिक नेपालले आयोजना गरेको एपिक नेपाल म्युजिक अवार्ड २०७८ का सर्वोत्कृष्ट हुन सफल गीत तथा गायक, गीतकार मोडलहरुलाई मध्यपुर ठिमी नगरपालिकाका नगरप्रमुख मदन सुन्दर श्रेष्ठ सहित अग्रज कलाकारहरुले फुल माला सहित अवार्ड प्रदान गरेका थिए ।