८० बर्षको आयु भएको निर्माणाधिन भूकम्प प्रतिरोधी पुल भाँचियो

भोजपुर – भोजपुरमा ८० बर्ष आयु भएको निर्माणाधिन भूकम्प प्रतिरोधी पुल भाँचिएको छ ।

स्विस सरकारको सहयोगमा, भोजपुरको रामप्रसादराई गाउँपालिका र हतुवागढी गाउँपालिकालाई जोड्ने कावा खोलामाथि  करिब ५ करोड रुपैयाँको लागतमा निर्माण भइरहेको पक्कीपुल आज आईतबार भाँचिएको हो ।

भोजपुर – मानेभज्याङ – रानीबास – घोडेटार सडकखण्डअन्तर्गत पर्ने सो पुल १२ फागुन २०७६ मा शिलान्यास गरिएको थियो । पुल ढलानपछि टेकाले थाम्न नसकेर भाँचिएको बताईएको छ। असार २०७७ सम्ममा नै बनाइसक्ने गरी बनाउन शुरु गरिएको पुल ४५ मिटर लामो, ६ मिटर चौडाइको थियो । पुल बनेपछि भोजपुर सदरमुकामबाट दक्षिण हुँदै तराईका जिल्लामा सहज पहुँच बन्ने छ ।