एमाले महाधिवेशन : नारायणी नदि किनारमा कार्यकर्ताको भिड

चितवन – नेकपा एमालेको दशौँ राष्ट्रिय महाधिवेशन उद्घाटनका लागि महाधिवेशनस्थल नारायणी नदी किनारमा विहानैदेखी कार्यकर्ताको भिड लागेको छ ।

आज शुक्रबार दिउँसो महाधिवेशन उद्घाटनका लागि देशभरबाट नेता कार्यकर्ता एवं शुभेच्छुकहरु आउने क्रम सुरुभएसंगै महाधिवेशनस्थल नारायणी नदी किनारमा विहानैदेखी कार्यकर्ताको भिड लागेको हो ।

आज बिहानैदेखि चितवनमा एमाले महाधिवेशनका लागि जनलहर सुरु भएको नेकपा एमाले चितवनकी अध्यक्ष पार्वती रावलले बताउनुभयो । महाधिवेशन उद्घाटनमा सहभागी हुनका लागि पूर्व तथा पश्चिमका विभिन्न जिल्लाबाट प्रतिनिधि तथा नागरिकहरुको बाक्लो उपस्थिति रहेको रावलले बताउनुभयो ।

चितवनबाट बाजागाजासहित जनसहभागिता हुने तयारी भइरहेको जिल्ला अध्यक्ष रावलको भनाइ छ ।