एमालेको महाधिवेशन उद्घाटनमा प्रचण्ड सहभागी नहुने : यस्तो छ माओवादीको भुमिका

चितवन – नेकपा एमालेको दशौं राष्ट्रिय महाधिवेशनको उद्घाटन समारोहमा शुभकामना दिन नेकपा माओवादी केन्द्रका अध्यक्ष पुष्पकमल दाहाल प्रचण्ड नआउने भएका छन् ।

आज शुक्रवार चितवनमा शुरुहुने एमालेको दशौं राष्ट्रिय महाधिवेशनमा शुभकामना दिन माओवादी केन्द्रका अध्यक्ष प्रचण्ड नआउने भएका हुन् । महाधिबेशनमा शुभकामना मन्तब्यका लागी एमालेले निमन्त्रणा गरेपनि प्रचण्डको पूर्व निर्धारित कार्यक्रम तय भैसकेकाले चितवन नआउने माओवादी केन्द्रका नेता नारायणकाजी श्रेष्ठले जानकारी दिए ।

‘उहाँले केही भन्नु भएको थिएन, त्यसैले मैले पनि कार्यक्रम तय गरेँ,’ उनले भने, ‘उहाँको पनि कार्यक्रम परेको रहेछ । आज चितवन जान भ्याउनु हुन्न ।’ श्रेष्ठले भने । उता प्रचण्ड लगायतका नेताहरुको कार्यक्रम तय भैसकेपनि पार्टी स्थायी कमिटीका एक नेता एमाले महाधिवेशनको उद्घाटन समारोहमा पुग्ने श्रेष्ठले बताए ।

एमालेको १० औँ राष्ट्रिय महाधिवेशन आज शुक्रबार चितवनमा शुरु हुँदैछ । उद्घाटन समारोहमा एमालेले नेपालका प्रमुख राजनीतिक दलका नेताहरुलाई पनि बोलाएको छ । एमाले प्रचार विभाग प्रमुख योगेश भट्टराईका अनुसार प्रधानमन्त्री एवं नेपाली कांग्रेसका सभापति शेरबहादुर देउवा भने आउने पक्का भएको छ ।